ВИДЕО| Со силни полициски кордони како да се терористи, утринава разбиени демонстрантите во Белград
Српската полицијата утринава во опрема со штитови ги избрка граѓаните и активистите кои синоќа протестираа против ископувањето на литиум кај железничките станици Белградски центар – Прокоп и Нови Белград. Како што пренесуваат српските медиуми, утринава има и приведени лица од организаторите кои не сакале да ги напуштат локациите.
Препорачано
Prokop upravo, 5:47
Desetine žandara nas je opkolilo kao da smo teroristi pic.twitter.com/kSujr5hEpp— Marinika Tepić (@MarinikaTepic) August 11, 2024
Заменик-претседателката на ССП, Мариника Тепиќ, која ја помина ноќта во станицата Прокоп во Белград, која граѓаните ја блокираа поради несогласувањето со власта за ископот на литиум во земјата, за Н1 вели дека, според нејзините проценки, околу 200 полицајци во полна опрема и уште најмалку 40-50 во цивилна облека биле испратени утринава да ги истераат демонстрантите кои останаа на локациите.
“Ovo je naša zemlja!” – plakale su i u isto vreme pevale majke pred 200 policajaca pod punim naoružanjem i fantomkama i još oko 50 u civilu, koji su poslati u 5.30 na stanicu Prokop da nas rasteraju samo zbog protivljenja rudniku litijuma!
Ivan Bjelić i Nikola Ristić su privedeni pic.twitter.com/6VBkPmhGjS— Marinika Tepić (@MarinikaTepic) August 11, 2024
Против граѓаните, како што вели таа, биле испратени кордони од полицајци, како да се најлоши терористи. Таа додава дека полицијата дури и извадила неколку жени од насобраната маса, а при тоа биле уапсени и две лица – Иван Бјелиќ и Никола Ристиќ.
„Забележавме околу 2 часот по полноќ дека многу интензивно и во голем број доаѓаат полицајци во цивилна облека на локациите и во еден момент дури им пријдов на тројца да прашам дали се полицајци и тие тоа ми го потврдија. Полицајците буквално се слеваа како реки и сфативме дека нè опкружуваат за да не снимаат“, вели Тепиќ.
Како што појаснува таа за српските медиуми, насобраните се сомневале дека ќе се обидат да ги потиснат со првиот воз кој требал да пристигне околу 4 часот, но до тоа не дошло.
Таа наведува дека околу 06:30 часот во полна опрема, со фантомки, целосно вооружени полицајци ги опколиле демонстрантите.
