ВИДЕО | „Сите за Пaлестина“ одржа протестен марш за изразување солидарност со палестинскиот народ и осуда на геноцидот во Газа
Граѓанската иницијатива „Сите за Пaлестина“ денеска одржа протестен марш за, како што велат, солидарност со палестинскиот народ и осуда на геноцидот во Газа. Маршот започна во 12 часот напладне од споменикот „Симфонија на мирот“ спроти гимназија „Јосип Броз Тито“ и продолжи кон плоштадот „Слобода“, по што учесниците се упатија кон зградата на Владата, каде пред неколку стотици луѓе одржаа говори и побараа од Владата да ја признае палестинската држава.
Препорачано
„Настанот е дел од глобалното движење на солидарност и отпор против воените злосторства и опсадата на Газа, и има за цел да потсети дека злосторствата против човештвото не смеат да се игнорираат“, соопштуваат од иницијативата.
View this post on Instagram
„Геноцидот не е историска лекција, туку е крвава реалност што не засега сите нас. Со своето недејствување. Нато и ЕУ секојдневно го одобруваат геноцидот. По две години и 60 илјади жртви и мртви деца, само неколку членки неодамна ја прекинаа трговијата со оружје со Израел или пак само симболично ја признаа Палестина во Обединетите Нации. Ова само докажува колку профитирањето од војна е поважно од човечките животи“, рече еден од говорниците.
View this post on Instagram
