Фудбалерите на Реал Мадрид обезбедија пласман во четвртфиналето од Лигата на шампионите. „Кралевите“ го елиминираа Атлетико Мадрид по продолженијата и подоброто изведување на пенали, а за тоа како Реал помина понатаму уште долго ќе се зборува.

Неверојатна ситуација беше забележана за време на пенал рулетот меѓу мадридските ривали кога голот на Хулијан Алварез беше поништен во втората серија.

И покрај тоа што Аргентинецот се лизна непосредно пред пеналот, сепак успеа да ја испрати топката под пречката и да го израмни резултатот на 2:2. Сепак, по консултација со ВАР, судијата Шимон Марчињак го прогласи голот на Алварез неважечки, бидејќи напаѓачот на Атлетико имаше двоен контакт со топката при изведувањето.

По натпреварот тренерот на Атлетико Мадрид, Диего Симеоне ги сподели своите впечатоци:

– Одигравме многу добар натпревар, се боревме неверојатно, можевме да го зголемите водството во продолжението. Видов дека Хулијан ја спушти ногата на пеналот, но топката не мрдна. Горд сум на моите играчи и начинот на кој се боревме. Не успеавме да го победиме Реал Мадрид во Лигата на шампионите, но секогаш им дававме голема борба и тешки мечеви. Ќе имаат сеќавање дека победиле, но кога се сами секогаш ќе мислат дека сме ги мачеле. Игравме со многу енергија, сила, желба и ја контролиравме играта на противничката екипа. Што се однесува до пеналот… Кога Хулијан ја спушти ногата, топката не мрда, но пресуди ВАР. Тоа е нешто што никогаш не сум го видел во пенал рулетот и сакам да верувам дека ја допре топката. Никогаш досега не сум видел ВАР да реагира на пенали – рече Симеоне.

???????????????

TNT channels show another angle of Alvarez's penalty kick.

pic.twitter.com/aj4K3SG8yu

— حسن الناقور Mr.Nagoor (@hasanalnaqour) March 13, 2025