Снажно невреме со силен ветер и грмотевици дожд и град со големина на лешник попладнево зафати повеќе населби во Скопје, а според првичните информации, најтешко се погодени населбите од центарот кон западниот дел од градот – Буњаковец, Карпош, Тафталиџе, Козле. Во половина град во 18 часот беше мрачно како да е ноќ од густите црни облаци.

Од Управата за хидрометеоролошки работи велат дека слична нестабилност е забележана и во Велешко, како и Кривопаланечко и Штипско. Засега нема информации за евентуални штети.

„Силна нестабилна облачна маса се спушта кон Езеро Младост и дел од Велес. Проследена е со интезивни поројни врнежи од дожд и град, силни електрични празнења и засилен ветер кои можат да предизвикаат штети од поголем размер. Силна нестабилност има и измеѓу Штип и Кочани во гегионот на Горни и Долни Балван каде исто така имаме интезивни поројни врнежи од дожд и град , грмежи и засилен ветер. Од запад кон Скопје навлева нестабилна облачна маса проследена со пороен дожд, грмежи засилен ветер и можна појава на град“, информира УХМР.