Американскиот претседател Доналд Трамп и милијардерот Илон Маск се сретнаа на комеморацијата за Чарли Кирк вчера во Аризона, неколку месеци по нивната жестока јавна расправија.

Маск се ракуваше со Трамп во претседателската ложа, а двајцата разговараа кратко пред Трамп да му даде знак да се повлече, пишува Дејли Мејл.

Според читателката на усни Никола Хиклинг, Трамп му рекол на Маск: „Како си?“, а потоа додал: „Слушнав дека сакаш да разговараш“. Трамп предложил: „Ајде да се обидеме да откриеме како да се вратиме на вистинскиот пат“.

Потоа Маск кимнал со главата, а Трамп му ја стиснал раката и рекол: „Ми недостигаше“.

За потсетување, Маск се раздели со Трамп околу законот на Трамп за даноци и трошоци, кој Маск го нарече „апсолутно луд и деструктивен“. Расправијата, која се одвиваше главно на социјалните мрежи, доведе до тоа Маск да го обвини Трамп дека се наоѓа во „досиејата Епстин“, документи поврзани со осудениот Џефри Епстин.