Берзите се огледало на политичките и економските односи особено после развојот на настаните во Украина.

-Само најголемите светски берзи имаат широка лепеза на котирани компании и кај нив може да се каже дека движењето на берзите целосно ја отсликуваат структурата и динамиката на целокупната економија. Повеќето помали берзи, меѓу кои и нашата, има структура на котирани компании која не ја отсликува целата економија, изјави во Утрински брифинг Иван Штеријев, директор на Македонска берза.

-Познато е дека кај нас доминираат банките, неколку компании од фармацевтската индустрија, од градежништвото, телекомуникациите, но нема цели сегменти кои што се многу битни за целокупната наша економија. Се што не е Акционерско друштво, не е на берзата, така што коментирањето на резултатите на котираните компании секогаш да го има предвид ова, додава тој.

Вкупната агрегирана добивка на 73 од 91 компанија која рапортираше, изнесува речиси 300 милиони евра и е зголемување во однос на претходната година за цели 23%.

-Големите банки, главните компании во секторот на фармација, градежништво и индустрија покажаа доста добри резултати и оттука се произведуваат овие добри бројки, што беа проследени со добар промет и раст на цени, вели Штеријев.

Проследете го целиот разговор во видеото