Eкипата на Шкендија уште еднаш се посрамоти на европска сцена откако доживеа елиминација од аматерскиот тим на Хаверфордвест од Велс.

Тетовци влегоа како големи фаворити во двомечот, а откако во првиот натпревар победија со 1:0, вечерва загубија со истиот резултат. Предноста на Шкендија беше актуелна се до 89-тата минута кога Џенкинс погоди и натпреварот отиде во продолженија.

Продолженијата донесоа претпазлива игра и од двете страни, никој не сакаше да ризикува, па повеќе се мислеше на својот, отколку на противничкиот гол.

Во пенал рулетот за Шкендија промашуваа Чинари, Адили и Рамадани, па така велшкиот претставник продолжи во следната фаза.

Шкупи одигра 0:0, но на чаирчани тоа им беше доволно за следна фаза поради победата од 5:0 во првиот натпревар. Претходно денес елиминација од Конференциската лига доживеа и Македонија Ѓорче Петров. Ќе потсетиме, Струга по елиминацијата од квалификациите за Лигата на шампионите продолжува во Конференциската лига.