Актерката Шенон Доерти продолжува да ја раскажува својата приказна за битката со ракот, пишува „Пипл“.

Ѕвездата на „Beverly Hills, 90210“ и „Charmed“ сега објави емотивна снимка од моментите пред да ѝ биде извршена операцијата за отстранување на туморот на мозокот.

„16 јануари, 2023. Операција. Имав тумор во главата кој сакаа да го отстранат, како и да направат биопсија. Очигледно пробувам да бидам храбра, но преплашена сум. Стравот ме преплавуваше.

Се плашев од сите можни исходи, се грижев дека ќе ја напуштам мајка ми и за тоа како ова ќе влијае врз неа. Се грижев дека од операционата ќе излезе друга личност, а не јас. Еве како може да изгледа ракот“, напиша 52-годишната актерка во описот на видеото.

Како потсетување, моментално, Доерти води битка со ракот на дојка во четврти стадиум.

Првпат ѝ беше дијагностициран рак на дојка во 2015 година. Таа влезе во ремисија две години подоцна, но во 2020 година откри дека нејзиниот рак повторно ѝ се вратил.

Во јануари годинава, таа дознала дека ракот ѝ развил метастази и во мозокот.

Води животна битка: На Шенон Доерти ракот ѝ се проширил на мозокот