ВИДЕО | Шефот на ФЕД нова мета на руските шегобијци, се преправале дека се Зеленски
Претседателот на Федералните резерви на САД, Џером Пауел, неодамна разговарал со Володимир Зеленски, украинскиот претседател кој ја води борбата на неговата земја против руските напаѓачи. Или, барем така мислеше Пауел.
Препорачано
„Блумберг“ објави дека Пауел верувал дека тој имал официјален разговор со Зеленски во јануари, но тој всушност бил мета на руските шегаџии, Владимир Кузњецов и Алексеј Столјаров, поддржувачи на рускиот претседател Владимир Путин.
MUST WATCH:
Jerome Powell was prank called by Russians pretending to be Zelenksky.
In the call, the Fed Chair admitted that a US recession is likely. “This is what it takes to get inflation down.” pic.twitter.com/t61gZGqw16
— Stephen Geiger (@Stephen_Geiger) April 27, 2023
На снимките од разговорот, широко распространети на интернетот, се гледа дека Пауел зборува за различни на теми, вклучително и инфлацијата и руската централна банка.
Во еден момент, шегобијците прашуваат: „Според вас, кои земји економски страдаа повеќе од неодамнешните политички ситуации?“
Пауел вели: „Па, би рекол дефинитивно не САД. Ние имаме своја енергија овде, така што навистина не сме ние. Знаете подобро од мене, но тоа ќе биде Полска и источноевропските земји кои се блиску до Украина“.
Тој додава: „Сите гледаме што се случува, луѓето како мене само сакаат да ве поддржат на кој било начин, но јас имам ограничени начини да го направам тоа во мојата професионална работа“.
Разговорот се насочува кон стапките на инфлација, шегаџиите прашуваат: „Намалувањето на инфлацијата е очигледно помало отколку што би сакале и ако почне да расте, дали ФЕД е подготвен повторно нагло да ги зголеми стапките?“
Пауел вели: „Да, секако. Ако треба повеќе да ги зголемиме нашите стапки, тогаш апсолутно ќе го направиме тоа. Ги зголемивме стапките многу остро, историски нагло минатата година, за да дојдеме до местото каде што сме сега“.
Банката на федерални резерви соопшти дека видеото, кое е емитувано на руската државна телевизија, се чини дека е монтирано. ФЕД не можеше да ја потврди неговата точност, објави „Блумберг“.
