Седум лица сè уште се водат како исчезнати во Калифорнија еден ден откако експлозиите во магацин за огномет оставија две повредени лица и предизвикаа пожар во област со посеви и вегетација, според властите.

Серијата експлозии се случија во вторник вечерта, откако избувна пожар во Еспарто, во северниот дел на државата, околу 24 часа пред традиционалните огномети низ целата земја утре, петок, 4 јули, националниот празник на САД.

An explosion at a fireworks warehouse in northern California caused several fires, sending black smoke into the air and forcing evacuations, authorities said. There were no immediate reports of injuries. pic.twitter.com/V2d26WGas5

— The Associated Press (@AP) July 2, 2025

„Седум лица сè уште се водат како исчезнати“, соопшти вчера CalFire, државната агенција за противпожарна заштита и заштита на шумите.

„Службите за итна реакција и истражителите работат деноноќно во координација со сопственикот на објектот каде што се наоѓале овие луѓе“.

🚨#BREAKING: Emegerncy crews are asking people to evacuate the area after massive explosion took place at a Fireworks Warehouse ⁰⁰📌#Esparto | #California

Emergency crews in Esparto California, are urging residents in the area to evacuate following a massive explosion at a… pic.twitter.com/TLi5TyrhOR

— R A W S A L E R T S (@rawsalerts) July 2, 2025

„Овој тип инцидент е многу редок, бидејќи овие фабрики се придржуваат не само до многу строгите барања за безбедност од огномет во Калифорнија, туку и до федералните стандарди за складирање експлозиви“, додаде тој.

Според властите, двајцата повредени сега се надвор од животна опасност.

Explosion at fireworks warehouse in Yolo County, California captured on live TV pic.twitter.com/QPgEdeenwu

— BNO News Live (@BNODesk) July 2, 2025

Сепак, пожарникарите сè уште не биле во можност да влезат во магацинот поради ризикот од експлозија од огнометите складирани таму.

„Ситуацијата е многу сложена и опасна“, објасни Куртис Лоренс, началник на противпожарната служба во Еспарто, за време на прес-конференција.

Во областа околу магацинот, остатоци и фрагменти се расфрлани на „голема површина“, што го објаснува „големиот безбедносен периметар“ околу објектот сè додека пламенот не се смири, додаде тој.

Некои роднини на исчезнатите не го криеја својот гнев.

Една жена ја прекина прес-конференцијата, велејќи дека нејзиниот партнер и неговите двајца браќа, кои се водат како исчезнати, се на местото на настанот, бесни што нема информации за нивната судбина.

Таа ги обвини пожарникарите дека не „се фокусираат на луѓето што биле заробени во магацинот и кои веројатно биле убиени“.

„Луѓето можеби ги загубиле своите животи затоа што не си ја вршите работата како што треба“, извика таа.

Поради инцидентот, некои градови во регионот објавија дека ги откажуваат огнометите закажани за утре.