Полски воен авион Ф-16 се урна за време на проба за аеромитинг во Радом, централна Полска, при што загина пилотот, соопшти војската.

Според информациите од полската војска, пилотот — офицер на полските воздухопловни сили го загубил животот при падот. Несреќата се случила на пистата околу 19:30 часот, а поради оштетувањето на инфраструктурата, настанот бил откажан.

Министерот за одбрана Владислав Косиниак-Камиш пристигнал на местото на несреќата и преку социјалната мрежа X изразил почит кон загинатиот пилот.

A Polish F-16 Tiger Demo jet crashed while rehearsing for the Radom Air Show 2025, which is set to take place on August 30 and 31 in Poland.

The pilot didn’t manage to eject and died as a result of the crash. pic.twitter.com/zJ5Ao3TRpv

— TabZ (@TabZLIVE) August 28, 2025

„Пилот на полската армија загина во падот на авионот Ф-16 – офицер кој секогаш ѝ служел на својата земја со посветеност и голема храброст. Оддавам почит во негово сеќавање“, напиша министерот за одбрана Владислав Косињак-Камиш на X откако пристигна на местото на несреќата.

Авионот припаѓал на 31-та тактичка воздухопловна база лоцирана кај Познањ. Во соопштението од Главното командно тело на вооружените сили се нагласува дека нема повредени цивили, и дека веднаш по инцидентот биле активирани спасувачки екипи.

Медиумски снимки од местото на настанот покажуваат дека Ф-16 изведувал акробатски маневар познат како „барел роу“ пред да изгуби контрола, да се урне и да се запали додека се движел по земјата.

Овој настан повторно го отвора прашањето за безбедноста при демонстрации на воена авијација, особено кога се изведуваат сложени маневри пред публика. Иако ваквите настани имаат за цел да ја покажат техничката способност и прецизност на пилотите, ризикот останува реален — дури и за најискусните членови на воздухопловните сили.