Двајца полицајци физички се пресметувале во прилепското село Кривогаштани рано утрото за Велигден, потврди денеска полицијата.

На социјалните мрежи се појави снимка од инцидентот, на која се гледа како двајцата полицајци се тепаат и се пцујат, додека од страна се слуша врескање. На видеото се гледа и трет полицаец, кој веројатно се обидува да ги раздвои затепаните колеги.

Полициска тепачка во Кривогаштани за Велигден pic.twitter.com/gSwoNpMM5z

— B!Zarre (@B_Zarre) April 18, 2023

„Околу 04:45 часот, пред угостителски објект во Кривогаштани бил нарушен јавниот ред и мир со физичка пресметка помеѓу А.Ј.(41) од с.Житоше и К.А.(45) од с.Житоше, двајцата полицајци“, информираше СВР Битола.

„Се преземаат мерки за расчистување на случајот. Известен е Одделот за внатрешна контрола, криминалистички истраги и професионални стандарди и ќе биде поведена и постапка за утврдување на дисциплинска одговорност и суспендирање од работното место до донесување на решение во дисциплинската постапка“, додадоа од битолската полиција.