Црната серија на Сан Антонио Спарс од 18 порази во низа конечно заврши откако изминатата вечер славеа над Лејкерс со 129:115.

Низата од 18 порази беше најдолгата во историјата на франшизата, а сега конечно заиграа на високо ниво и ги изненадија освојувачите на новиот НБА-куп. Одличен во победата беше Вембањанам кој запиша дабл-дабл од 13 поени и 15 скокови, меѓутоа најмногу се истакна Девин Васел кој стигна до личен рекорд постигнувајќи 36 поени.

Сега Сан Антонио е со скор од четири победи и 20 порази, па се уште е последен на Западната конференција и заостанува две победи зад Портланд и Мемфис.

Леброн натпреварот го заврши со дабл-дабл од 23 поени и 14 скокови. Треба да се каже и дека Лејкерси беа без Дејвис, Расел и Редиш.

На гостински терен Њујорк го изненади Феникс победувајќи со 122:139. Неверојатен натпревар одигра Брансон кој постигна 50 поени. Дурант за Феникс уфрли 29. Домашниот тм беше без Бредли Бил кој се повреди по пет минути игра и не се врати на паркетот.

НБА РЕЗУЛТАТИ:

Шарлот – Њу Орлеанс 107-112, Филаделфија – Детроит 124-92, Вашинтон – Индијана 137-123, Бостон – Орландо 128-111, Сан Антонио – ЛА Лејкерс 129-115,  Торонто – Атланта 104-125, Мемфис – Хјустон 96-103, Феникс – Њујорк 122-139.