64-годишен Американец, кој беше осуден на смрт за убиствата на две лица во 1990 година, бешe погубен вчера во Флорида, објави Ен-би-си.

Виктор Џонс беше осуден на смрт за убиствата на 67-годишниот Џејкоб Нестор и неговата 66-годишна сопруга Матилда Нестор, кратко откако почнал да работи во продавницата на оваа двојка.

Егзекуцијата на Џонс – со смртоносна инјекција – беше рекордна, 13-та во Флорида оваа година. Оваа година имаше 34 егзекуции низ целата земја: 28 со смртоносна инјекција, четири со вдишување на азот и две со стрелање (двете во Јужна Каролина).

Смртната казна е укината во 23 од 50-те американски држави. Три други (Калифорнија, Орегон и Пенсилванија) воведоа мораториуми за нејзина употреба по наредба на нивните гувернери.