Американскиот актер Роберт Дауни Помладиот (59) ѝ се враќа на филмската франшиза која му донесе светска слава, базирана на американските стрипови на „Марвел комикс“.

Дауни ќе ја игра улогата на негативецот Виктор фон Доум, познат како Доктор Доум, кој ќе се појави во новиот филм од филмскиот серијал „Одмазници“ („Avengers“),наречен „Одмаздници: судниот ден“ („Avengers: The Doomsday“).

Најновото продолжение е во режија на браќата Џо и Ентони Русо, за кои овој филм го означува и нивното враќање во кинематографскиот универзум на „Марвел“. Браќата Русо ќе работат и на „Одмаздници: тајните војни“ („Avengers: Secret Wars).

„Одмаздници: судниот ден“ ќе ја доживее својата премиера во мај 2026 година, а „Одмаздници: тајните војни“ во мај 2027 година.

„Нова маска, иста задача. Што ви кажав? Обожавам да играм сложени ликови”, изјави Дауни на сцената на популарната конвенција „Сан Диего комик кон“, откако браќата Русо го најавија неговото враќање.