Во рамките од 25. коло во ПМФЛ утре од 15:00 часот ќе се игра дербито помеѓу Пелистер и Вардар.

Пред натпреварот своите очекувања за натпреварот ги искажа дефанзиввецот Александар Ристевски.

Ристевски вели дека тие го респектираат Вардар, но сепак веруваат дека бодовите ќе останат во Битола.

„Се игра најголемото дерби во македонскиот фудбал. Горд сум што го носам дресот на Пелистер, ќе се бориме со сите  сили за да ги освоиме бодовите. Мотивацијата во тимот е на највисоко ниво. Имаме многу респект за Вардар како колектив. Сепак, ние сакаме да одиграме за себе, за клубот и градот кој секогаш ни дава огромна поддршка. Се надевам дека епилогот ќе биде позитивен за нас“, изјави Ристевски.

Ќе потсетиме, Пелистер претходно информираше дека сите средства собрани од билетите за овој натпревар ќе бидат донирани за семејствата на настраданите во трагедијата во Кочани.

На дербито пак нема да присуствуваат навивачите на Вардар кој поради настанот во Кочани сметаа дека не е во ред да гостуваат.