Продолжениот викенд е пред нас, а доколку сакате да се засладите со кафето или чајот, можете да направите штангли од карамела. Боженствен вкус и фантастична арома. Со овие состојки и обичниот колач станува вистинско ремек-дело на кулинарската уметност.

Состојки:

– 170 грама шеќер

– 100 милилитри вода

– 200 милилитри слатка павлака

– 200 грама кикиритки

– 100 грама сечкани ореви

– 80 грама путер

– 1 ванилин шеќер

– 100 грама чоколадо

Подготовка:

Во тенџере ставете го шеќерот, додадете ја водата, ванилиниот шеќер, оставете да се карамелизира. Додадете ја слатката павлака и брзо измешајте. Додадете го путерот, а на крај кикиритките и сечканите ореви.

Оставете да се згусне, па смесата сипете ја во тесен плех и обложете со проѕирна фолија.

Оставете да се излади, па прелијте со растопено чоколадо. Оставете добро да се излади во фрижидер, по можност преку ноќ.