Рускиот претседател Владимир Путин се појави во воена униформа на големата заедничка вежба на руската и белоруската армија „Запад 2025“. Настанот се одржува во близина на источните граници на НАТО, а самиот Путин го посети воениот полигон Мулино во регионот Нижни Новгород.

Таму истакна дека во маневрите учествуваат околу 100.000 војници, распоредени на 41 копнено и морско воено подрачје, со поддршка од 333 авиони, 250 бродови и 10.000 единици техника. Претходните прогнози зборуваа за максимум 30.000 војници, што ја прави мобилизацијата далеку поголема од очекуваното.

100,000 troops are participating in the Zapad 2025 exercise near NATO borders, war criminal Putin said.

He visited the Mulino training ground in the Nizhny Novgorod region.

During these maneuvers, 100,000 servicemen were involved at 41 land and sea training grounds, 333… pic.twitter.com/UBFNgrVEB3

— Anton Gerashchenko (@Gerashchenko_en) September 16, 2025

Историски паралели со 2021 година

Оваа демонстрација на сила веднаш предизвикува споредби со последната голема вежба „Запад“ од 2021 година, кога беа ангажирани околу 200.000 војници. Тогаш, според многу западни набљудувачи, таа мобилизација претставуваше подготовка за инвазијата врз Украина што следеше само неколку месеци подоцна. Сегашните маневри повторно се одвиваат во сличен геостратегиски контекст, што го засилува впечатокот дека Москва испраќа сигнал не само за одвраќање, туку и за потенцијална подготвеност на нови чекори, пишуваат регионалните медиуми.

Зголемени тензии со НАТО и регионот

Воениот спектакл не се одвива во изолација. Пред самиот почеток на вежбите, руските беспилотни летала упаднаа во полскиот воздушен простор, што ја покачи температурата на безбедносната криза меѓу Москва и Варшава. Дел од маневрите се одржуваат и во Балтичкиот регион, што дополнително ја зголемува загриженоста кај НАТО-сојузниците. За Кремљ, пак, ова претставува јасна демонстрација дека Русија останува во состојба на висока борбена готовност, а појавувањето на Путин во униформа испраќа порака дека тој лично ја предводи стратегијата на конфронтација со Западот.