По два порази во низа и тоа без постигнат гол против Лион (0:1) и Рен (0:2), ПСЖ вечерва конечно победи во Лига 1.

„Светците“ славеа на гостувањето кај Ница со резултат 0:2. Лионел Меси го отвори резултат по 26 минути игра и тоа беше единствениот гол во првите 45 минути. Повторно Аргентинецот одигра важна улога и при постигнувањето на вториот гол кога му асистираше на Серхио Рамос.

ПСЖ со оваа победа се враќа на шест бода предност во однос на Ленс кој со триумфот против Стразбур претходно дојде на само три бода заостанување.

Следното коло во најсилната француска лига ни го носи и натпреварот помеѓу ПСЖ и Ленс во кој ако Ленс победи може да ја направи трката за титулата поинтересна.