Фудбалерите на ПСЖ по драмата на „Енфилд“ обезбедија пласман во четвртфиналето на Лигата на шампионите каде по подоброто изведување пенали го елиминираа Ливерпул.

Францускиот тим победи со 1:0 во регуларното време, израмнувајќи го вкупниот резултат во двомечот, а бидејќи немаше голови во продолжението, одлуката беше донесена во пенал рулетот.

Херој на парижаните беше голманот Џанлуиџи Донарума, кој ги одбрани ударите на Дарвин Нуњез и Кертис Џонс.

Ливерпул ја имаше иницијативата од самиот почеток, но ПСЖ прв постигна гол преку Усман Дембеле, искористувајќи ја лошата реакција на одбраната на домаќините. Играчите на Арне Слот потоа создадоа неколку одлични шанси, но стативите, Донарума и несмасноста на играчите на Ливерпул спречија израмнување.

Најблиску до гол во вториот дел беше Луис Дијаз, чиј удар беше поништен поради офсајд, додека Кванса ја погоди рамката од голот. Во последните моменти Салах побара пенал, но судијата инсистираше да дозволи играта да продолжи.

Во пенал рулетот парижаните беа беспрекорни, додека играчите на Ливерпул потфрлија под притисок. ПСЖ сега се врти кон четвртфиналето и борбата за полуфинале во елитното натпреварување.