Eкипата на Денвер во три дена и вторпат славеше над Портланд, сега со резултат 132:121, а победата домаќините денеска ја обезбедија во првата четвртина.

Никола Јокиќ одново беше расположен за игра и стигна до нов трипл-дабл од 26 поени, 15 скока и 10 асистенции, но сепак сега во центарот на вниманието беше Џамал Мареј кој постигна 55 поени, додавајќи четири скока и пет асистенции. За Мареј постигнатите 55 поени се рекорд во неговата кариера, претходно најмногу постигна 50 поени.

Во редовите на Портланд најдобар беше Симонс со 26 поени, Клиган уфрли 17 поени со 20 скока.

Јута им врати на Лејкерс за поразот кој го претрпреа во дебито на Дончиќ и изминатата вечер славеа со 131:119.

Најдобар кај Јута беше Марканен со 32 поени, а за Лејкерс Леброн „броеше“ до 18 поени, Дончиќ ја заврши средбата со два поени помалку.

Деби за Клиперс имаше Богдан Богдановиќ и тоа во победата на неговиот тим над Мемфис со 128:114. Каваи Ленард беше најдобар кај победниците со 25 поени, додека на спротивната страна Дезмонд Бејн стигна до 23 поени.