Во Лас Вегас, врз основа на гласовите на 1.080 рецензенти, готвачи, гастро-новинари, инфлуенсери и посетители на ресторани, беше одлучено кој е овогодинешниот победник на најдобриот ресторан во светот, пишува „Лос Анџелес тајмс“.

На 22-то издание на годишното рангирање има ресторани од 26 територии, пет континенти и осум возбудливи нови ресторани.

Церемонијата на прогласување на најдобрите ресторани во светот „50 најдобри ресторани во светот“ (The Worlds 50 Best Restaurants) во Лас Вегас, заврши со прогласување на победникот за 2024 година, а тоа е ресторанот „Дисфрутар“ од Барселона, со готвачите Ориол Кастро, Едуардо Ќатруч и Матеу Казанас на кормилото. Наградата на победниците им ја врачи Естефано Болоњезе во име на Сан Пелегрино.

Да потсетиме, минатата година овој ресторан заврши на второто место, како најдобар во Европа, а победата ја освои ресторанот „Централ“ од Лима.

Целосната листа, вклучувајќи ги и рестораните на проширената листа од бр. 51 до 100, можете да ја видите на веб-страницата на The Worlds 50 Best Restaurants.