Случајно сум запознаен и со измените и дополнувањата на Законот за урбанистичко планирање, како и со реакциите на невладината „Фронт 21/42“ којашто даде писмени и образложени забелешки до Министерството за животна средина и просторно планирање. Забелешките се изнесени во рамките на јавната расправа за Законот којшто во моментов е објавен на ЕНЕР пред да влезе во процедура, вели за Утрински брифинг проф. Мирослав Грчев.

-Станува бесмислена таа приказна за неоснованото и неквалификуваното употребување на тој мистичен збор „урбана мафија“ со намера само да озлогласи некого што гради. Терминот стана популистички слоган којшто веќе се злоупотребува и за ситуации каде што нема причина за тоа, вели проф. Грчев за масовната употреба на терминот „урбана мафија“.

-Сега сме во ситуација каде што едни измени и дополнувања се на почеток на предвидената процедура, а ќе има уште фази на јавната расправа, но во почетокот предлогот се става на увид на јавноста. И постојано се случува кога ќе го ставите предлогот на увид на јавноста да се вели дека е фатена „урбана мафија“, а всушност мафија по дефиниција е нешто што е тајно, а не јавно. Сакам да кажам дека се работи за алергиска реакција на невладините и воопшто на јавноста, затоа што десетина и повеќе години терминот „урбана мафија“ се злоупотребува во огромни размери. Но, истовремено се злоупотребува и урбаниот простор, особено селата, при што се уништува земјиштето со различни видови незаконски градби. Ние во претходниот период (во времето на владата на ВМРО-ДПМНЕ) имавме и ситуации на државна незаконска градба, вели проф. Грчев за Утрински брифинг.

Проследете го целиот разговор во видеото