Аргентинската актерка Луисана Лопилато, која на македонската јавност ѝ е позната по нејзината улога Миа Колучи во телевизиската серија „Rebelde Way“, повторно е бремена. Имено, таа и нејзиниот сопруг, џез-пејачот Мајкл Бубле го очекуваат нивното четврто дете.

Денес Мајкл Бубле ќе го претстави најновиот видеозапис за песната „I’ll Never Not Love You“. Во краткиот сегмент од видеото, коешто го објави „TMZ“, 34-годишната актерка го покажува трудничкото стомаче додека покрај неа се Мајкл и нивните три деца.

Ова e втор видеозапис на Бубле во кој се појавува неговата сопруга – прекрасната Луисана ја одигра главната улога во видеозаписот за песната „Haven’t Met You Yet“ во 2009 година.

Луисана и Мајкл ја започнаа љубовната врска во 2009 година, а се венчаа две години подоцна. Тие се родители на 8-годишниот Ноа, 6-годишниот Елиас и 3-годишната Вида.

 

View this post on Instagram

 

A post shared by Michael Bublé (@michaelbuble)