Пред точно 19 години на 16 јуни во 2006 година Лионел Меси дебитираше за Аргентина на едно Светско првенство, а 16 години подоцна во Катар за првпат стигна и до светската титула.

Првиот натпревар за аргентинската репрезентација Меси го одигра против Унгарија уште во 2005 година, на пријателски меч, но токму Мундијалот во Германија следната година го означи неговото деби на најголемата фудбалска сцена.

На првиот натпревар во групата против Брегот на Слоновата Коска беше на клупата, но шанса доби во второто коло, во убедливата победа од 6:0 против Србија и Црна Гора. Иако играше само 16 минути, тоа му беше доволно да постигне гол и да запише асистенција, најавувајќи ја големата кариера.

Денес, 19 години подоцна, Лионел Меси сè уште е незаменлив дел од аргентинската селекција. Зад себе има 193 настапи и 112 голови за „гаучосите“, а со светската титула во 2022 година ја заокружи една од најславните кариери во историјата на фудбалот.