Читателите и гледачите на Слободен печат, односно Слободна ТВ и корисниците на порталот на Слободна ТВ Во изминатата недела преку учество во нашата анкета со заокружување на еден одговор од понудените го дадоа своето мислење на прашањето:

Од добиените одговори може да биде констатирано дека содржина што би требало да ја има повеќе во медиумите од досегашното искуство се хумористични содржини. За оваа содржина се изјасниле 21.23% од испитаниците, додека за информации од уметност и култура се изјасниле 16.2 % што е високо второ место. Содржина од овие области би требало да ја има повеќе во наредните 12 месеци во споредба со претходниот период, според читателите на Слободен печат, односно гледачите на Слободна ТВ. Овој процент на определени испитаници за наведените содржини е најголем во споредба со определбата на испитаниците за другите содржини и се движи од двојно до пет пати во полза на хумористични содржини. Релативно висок процент има определени читатели и гледачи за забавни емисии (16.76%). Во оваа третата група на определени може да се класифицираат содржини со економски прашања за што се изјасниле 11.17% од вкупниот број испитаници. Во четвртата група се содржини за кои читателите и гледачите на Слободен печат, односно Слободна ТВ и корисниците на порталот на Слободна ТВ помалку се заинтересирани за да ги препорачаат за следните 12 месеци. Имено, со најниско ниво на определени испитаници за содржини што би сакале да бидат со зголемен квантитет и повисоко ниво на зачестеност се: политички домашни теми, меѓународна политика и спортски информации, каде што процентот се движи од 3.52 до 4.47%.

Со намера да ја погледнеме досегашната практика на следење одредени содржини и желбата кај читателите и гледачите што би сакале да има повеќе во иднина, извршивме споредба на добиените резултати од прашањето во претходната недела и оваа актуелна недела. При тоа може да биде констатирано дека се јавува видлива разлика во содржините меѓу она што се гледало во изминатиот период и она што би сакале да го има во поголем обем од досега. Како потсетување треба да се каже дека содржината вести кај 25.33% од испитаниците беше содржина што најмногу ја следеле во претходните 12 месеци. Оваа содржина со 9.15% сега е рангирана на петто место, односно испитаниците предлагаат други содржини да бидат застапени повеќе. Со други зборови, барањето на овој вид содржина не значи дека читателите и гледачите помалку би биле заинтересирани за вестите, од една страна и нивната определба се темели врз мотивацијата дека би било пожелно да ги има во поголем обем од досега во наредните 12 месеци наведените содржини, од друга страна.
За другите содржини, читателите и гледачите се помалку заинтересирани во претходниот период, односно мал процент од нив ги следат и мал процент се определува дека треба да ги има во наредниот период повеќе од досега. Станува збор за: меѓународна политика и политички домашни теми. Низок процент на определени испитаници се јавува за содржината спортските информации. Меѓутоа, ако се има предвид дека во претходната недела оваа содржина беше на второ место, според определбата на испитаниците дека во изминатите 12 месеци ја следеле 16.89%, тогаш може да биде забележано дека обемот на овие информации целосно ги задоволува потребите на читателите и гледачите и нема потреба да биде зголемена.

Направивме уште една анализа на добиените податоци за она што гледачите и читателите гледаат и што би сакале да го има во поголем обем. Преку рангирање на добиените податоци од највисоко до најниско ниво со давање поени на секоја содржина  за местото што го има на табелата се добива слика за содржините што би требало да ги има и во наредниот период, од една страна и читателите и гледачите би ги следеле во поголем обем, од друга страна. Вкупниот број поени што може да ги добие една содржина се движи од 2 до 18, каде што се смета дека поголем број поени значи повисоко ниво за таа содржина дека се гледа и е пожелна да ја има и во иднина.

На оваа табела се прикажани содржините за кои испитаниците се изјасниле дека ги следеле во претходните 12 месеци и изразиле желба дека некои содржини би требало да бидат застапени во поголем обем од досега:

Од добиените податоци може да биде констатирано дека за содржините информации од уметност и култура и вести и спортски информации, испитаниците најмногу се изјасниле дека се заинтересирани да ги читаат. Овие испитаници како корисници на веб порталот на Слободен печат односно Слободна ТВ, може да биде забележано дека при изборот на медиумот што го користат за свое информирање целосно го добиваат она што го очекуваат од медиумот, од една страна и постои желба кај нив да видат зголемен обем хумористични содржини од друга страна.

Исто така, може да биде забележано дека вкупниот обем презентирани  содржини од областите, политички домашни теми, меѓународна политика и економски прашања, читателите не барат да бидат во поголем обем од досега и релативно е мал бројот на испитаници што се определија дека овие теми ги интересираат. Со други зборови, ако испитаниците под овие теми ги подразбираат активностите на политички партии, пратенички групи или информации поврзани се работата на некои државни институции, тогаш не изненадува нискиот процент што се јавува за нив.

Кога станува збор за другите содржини, како што се серии и филмови и забавни емисии, може да биде забележано дека според нивото добиено со нашата анализа, овие содржини се на средина од табелата со 11, односно 9 поени. Како резултат на добиените податоци во претходната анализа беше констатирано дека „читателите или гледачите на Слободна ТВ, односно Слободен печат не се во голем број љубители на овој вид содржини. Одговорите што ги добивме од нив ги вклучува и испитаниците што гледаат друг вид филмови или серии“. Со добиените одговори на нашето последно прашање се потврдува дека овој вид содржини не ги преокупира значително испитаниците што учествуваат во оваа анкета, а претпоставуваме во најголем дел дека се информираат од Слободен печат односно Слободна ТВ. Овој вид содржина испитаниците ја следат преку други електронски медиуми.

Во оваа недела читателите и гледачите имаат можност да го кажат своето мислење на следново прашање:

Во колкав степен имате доверба во медиумите од Македонија во последните 12 месеци?

1. многу ниско
2. ниско
3. средно
4. високо
5. многу високо

Анализата на Славе Младеновски погледнете ја во продолжение: