Директорот на Центарот за управување со кризи попладнево информираше дека како последица на пожарите кои безнеат на територијата на земјава почина едно повозрасно лице од кумановско Кокошино.

Причината за смртта се уште не е точно потврдена но најверојатно станува збор за вдишување на чад.

Сопругата на починатиот маж е спасена во последен момент.

Доцна попладнево огнот со помош на силниот ветар ги пеплосуваа и куќите во селата Орел, Немањици и Малино.

Најдраматично е во Немањици каде што се врши евакуација на луѓе од куќите и бачилата со помош на полиција.

Тие не сакале да ги остават своите домови и стада со овци.

Според ЦУК денеска на територија на цела држава има вкупно 42 пожари на отворено и шумски пожари, од кои 17 се активни, 4 се под контрола и 21 е изгаснат.

Претходно беше информирано дека дванаесет села се зафатени со пожарите на отворено каде опожарени се стари куќи и викендици.

На терен се дејствувало и со полициските и армискиот хеликоптер, како и трите ер-трактори на Дирекцијата за заштита и спасување.

Според него начинот на кој започнале пожарите и нивното ширење поради ветерот направиле тие да бидат многу тешки за гаснење.

(ФОТО + ВИДЕО) Пожарите влегоа во 12 села, горат стари куќи и викендички