Голем пожар избувна во висока зграда во изградба во населбата Тиергартен во центарот на Берлин што предизвика паника кај граѓаните на германскиот главен град. Според извештаите во весникот „Билд“, читателите испратија фотографии на кои се гледа огромен столб од чад што се протега над градот.

Пожарот избувнал околу 8:30 часот наутро, додека се вршеле работи на покривот. Репортер од „Билд“ кој бил во близина опишал три силни експлозии, со силни ударни бранови што се почувствувале дури и во соседните згради. Експлозиите се случиле во рок од неколку минути една од друга.

Борбата со пламенот траеше повеќе од два часа. До 10:30 часот, пожарникарите успеаја да го изгаснат главниот фронт на пожарот на покривот, но надворешноста на зградата продолжува да се полева како мерка на претпазливост.

Breaking: Emergency services in Berlin are battling a major fire.
A spokesman for the fire brigade said the blaze was in a high-rise building under construction in the city center.

More details when have them. pic.twitter.com/vFa52KV9dh

— DW Politics (@dw_politics) June 30, 2025

Противпожарната служба проценува дека пожарот започнал на покривот, каде што се наоѓал запалив материјал. Станува збор за новата зграда „Џон Јар Хаус“, најсовремен канцелариски и трговски комплекс, со буџет од 115 милиони евра.

Околу 100 пожарникари брзо се упатиле кон местото на настанот и се бореле да го стават пожарот под контрола. Засега нема извештаи за повредени. Според портпаролот на противпожарната служба, работниците успеале безбедно да заминат користејќи надворешен лифт.