На меѓународниот аеродром „Винченцо Белини“ во градот Катанија на Сицилија ноќеска избувнал пожар, што набрзо бил изгаснат.

Сите летови од аеродромот се откажани до 19 јули до 14 часот, соопшти компанијата што управува со тој аеродром SAC.

Пожарот, што избувнал синоќа во 23 часот и 29 минути и веднаш бил пријавен кај пожарникарите, за кусо време бил изгаснат, а патниците биле евакуирани од аеродромската зграда полна со чад.

#Catania Incendio nell'aeroporto Vincenzo Bellini. Le fiamme, domante dai @vigilidelfuoco, sono divampate nella notte. Non ci sono feriti. Le operazioni di volo sospese fino alle 14 di mercoledì 19 luglio.
Di @valeriariccioni #GR1 pic.twitter.com/tR5aDaMJ4h

— Rai Radio1 (@Radio1Rai) July 17, 2023

Притоа имало и патничко стампедо, но нема посериозни повредени, пренесува италијанска Анса.

Пожарот се појвил на долниот кат на аеродромот, додава РАИ.

Причината за пожарот се уште не е утврдена.