Неколкучасовниот интензивен дожд вечерва предизвика поплави на улици, булевари и локални патишта во Тетово.

Врнежите предизвикаа проблеми за граѓаните на неколку места каде редовно се поплавуваат улиците. Речиси целосно се поплавија улиците во населбата Дарданија, источно од железничката пруга, улицата „172″, која го спојува Тетово со селото Мала Речица, како и неколку улици околу касарната.

Во некои куќи надојдената вода поплави дворови и подруми. Поплавен е и локалниот пат од Тетово кон Фалише кај подвозникот. Според изјава на жители, сообраќајот е во прекин и не може да се помине од Тетово кон Фалише.

Ситуацијата во градот ја забележа камерата на ТВ „21“:

И поголем дел од градските улици се најдоа под вода во зависност од интензитетот на врнежи, како и од апсорпцијата на водата во атмосферската канализација.

Слични поплави се случија во Тетово и летово, а улиците, дворовите и подрумите редовно се под вода на секој поголем дожд.