По целодневна борба на пожарникарите со огнот, синоќа околу полноќ беше објавено дека пожарот кај селото Патетино, Свети Николе е целосно изгаснат, но пред еден час повторно е активиран, соопштија од Центарот за управување со кризи (ЦУК).

Се работи за село коешто се наоѓа на границата на Свети Николе со Пробиштип.

Директорот на ЦУК, Стојанче Ангелов кој го нарече пожарот „монструм“ ја пофали пожртвуваноста на пожарникарите од Свети Николе и несебична подршка на едни од најдобрите македонски пожарникари – велешките пожарникари, како и неколку локални доброволци под команда на храбриот командир на ТППЕ Свети Николе.