Холи Медисон и Хју Хефнер беа во врска од 2001 до 2008 година, а таа претходно зборуваше за своето „трауматично“ искуство. Поранешната девојка на Хју Хефнер и ријалити ѕвезда позната по нејзиното шоу „Девојките од соседството“ (The Girls Next Door), проговори за својата врска со основачот на „Плејбој“, Хју Хефнер.

Во поткастот „Во твоите соништа“ (In Your Dreams), таа зборуваше за „одвратните сексуални чинови“ што „мрзела да ги прави“ со Хефнер.

Холи откри дека не била баш воодушевена од групните активности во спалната соба што често се одржувале во Плејбој вилата.

„Па, беше поинаква приказна кога бевме сами, кога беа сите други во собата тоа беше одвратно. Го мразев. Им дадов до знаење дека го мразам“, рече таа.

Поранешната Плејбој зајачица откри како нејзините средби со Хју, кога биле сами, биле сосема различни.

„Кога бевме само тој и јас, беше многу понормално отколку што би помислиле“, рекла таа.

Таа исто така додаде дека никогаш не ја загрижувало тоа што Хефнер е 53 години постар од неа. Таа се осврна и на негативните коментари што ги добила додека била во врска со Хефнер и додаде дека не се согласува со нив.

Во 2022 година, Медисон изјави дека нејзиниот сексуален живот со Хефнер бил „пеколен“ и „трауматичен“.

Таа исто така истакна дека девојките во вилата сакале што поскоро да ги прекинат своите сексуални односи бидејќи не им се допаѓале.

„Сметавме дека тоа е обврска што мора да ја исполниме или ќе нè избркаат од куќата. Сите сакаа тоа да заврши што е можно поскоро“, рекла таа во тоа време.