По победата на словенечкиот скокач Анже Ланишек на првиот натпревар во ски скокови во Титизе-Нојштадт, Германија, кој и овојпат беше на подиумот, во неделата највисоко во генералниот пласман леташе Полјакот Давид Кубацки.

Одличниот полски ски скокач стекна огромна предност во првата серија кога прескокна неверојатни 139,5 метри, а со скок од фантастични 143 метри во втората серија само дополнително ја зголеми предноста во однос на ривалите со дури 309,7 поени, шест поени повеќе од Ланишек, кој беше второпласиран.

На подиумот се најде и Австриецот Штефан Крафт, а Халвор Гранерунд имаше многу причини за незадоволство.

Кубацки (470 поени) со оваа победа само ја зголеми предноста пред Ланишек (416) во генералниот пласман на Светскиот куп во ски скокови.

Пред Новогодишната турнеја „Четири скокалници“ која ќе стартува на 29 декември, на 17 и 18 декември најдобри ски скокачи ќе се натпреваруваат во швајцарскиот Енгелберг.