Полицијата во Хамбург застрела и тешко рани маж во центарот на Хамбург, откако се заканил дека ќе употреби секира, соопштија властите во германскиот град.

Инцидентот се случил неколку часа пред фудбалскиот натпревар помеѓу Полска и Холандија на Европското првенство, во непосредна близина на фан зоната наменета за холандските навивачи.

NOW – Police shoot axe-wielding man in Hamburg, Germany.pic.twitter.com/aFEjfvody5

— Disclose.tv (@disclosetv) June 16, 2024

Властите соопштија дека е во тек голема полициска операција во центарот на германскиот град.

Во полициското соопштение се наведува дека мажот им се заканувал на полицајците со секира, пикап и „запаливо средство“.

Според извештаите на локалните медиуми, инцидентот се случил околу 12:30 часот по локално време на главната улица во Хамбург позната по ноќниот живот.