На социјалните мрежи пред три дена се појави видео на кое се гледа како на покривот на автомобил во движење седи маж со знаме во рацете.

МВР соопшти дека ги пронашле и казниле двете лица кои дивееја на „Партизанска“ – возачот и тој што беше качен на покривот.

„Во врска со објавената снимка на социјалните мрежи на 30.09.2025 година на бул.”Партизански Одреди” во Скопје на која гледа како се движи патничко возило голф со скопски регистарски ознаки при што на кровот од возилото се превезува лице кое ја загрозува сопствената безбедност и безбедноста на другите учесници во сообраќајот, од страна на полициски службеници од СВР Скопје пронајдено е возилото, лицето кое го управувало С.Ф. и лицето кое се превезува на кровот од возилото А.И.

За А.И. преземена е мерка по чл.165 став 2 од Законот за безбедност на патиштата“ соопшти МВР.

Од извршената проверка утврдено е дека С.Ф го управувал возилото со измината важност на сообраќајната дозвола и за истото преземена е мерка по чл.26 став 10 од Законот за возила.