МВР соопшти дека се пронајдени девојчињата од кои на социјалните мрежи се појави снимка на која се гледа како брутално тепаат и малтретираат нивна врсничка, а чинот го снимаат.

„На 20.06.2025 околу 14:00 часот на ул. „Павле Илиќ“ во Скопје, во близина на угостителски објект, 11-годишно девојче било физички нападнато од страна на три девојчиња, а едно девојче го снимало нападот со телефон. Деновиве видеото од нападот било објавено на социјалните мрежи и на еден портал, а настанот на 01.09.2025 во полициска станица го пријавил и таткото на нападнатото девојче, кој кажал дека за настанот дознал од социјалните мрежи, а неговата ќерка не му кажала ништо поради страв да не биде нападната повторно“, веларт од полицијата.

Девојчињата и нивните родители се повикани во полициска станица и по документирање на случајот, ќе бидат поднесени соодветни пријави за насилство и неовластено снимање, додаваат од МВР.