Блокадите низ цела Србија продолжуваат и денес. Студентите во блокадата испратија покана до граѓаните на Белград да го блокираат главниот град денес од 7 часот.

„Има  голема група луѓе во градот, Белград е на барикадата“, напишаа тие и ги повикаа  граѓаните на барикадите од 7 до 10 часот наутро. Делови од Белград беа блокирани во текот на вчерашниот ден.

Рано утринава, на блокадата пред Правниот факултет во Белград се случија два инцидента.

Прво, едно возило ја пробило блокадата и качило на хауба еден од учесниците во блокадите. Нешто подоцна возило од компанијата „Атлас секјурити“ ја пробило блокадата со голема брзина, објави Нова.рс.

Trenutno kod Pravnog fakulteta pic.twitter.com/KmlqNaHgAo

— nova.rs (@novarsonline) July 7, 2025

Друга група граѓани се обиделе да ги блокираат улиците кои водат кон централниот белградски плоштад на Републиката, каде што полицијата ги спречила да го блокираат сообраќајот.

Opkoljeni smo na Zelenom vencu pic.twitter.com/LWjwDpTVDJ

— Kristal Met Gala (@Ninurina) July 7, 2025

Набргу потоа пристигнала и жандармеријата, која ги турнала на тротоарот, ги опкружила и потоа почнала со легитимирање на „блокадерите“ на кои им го ограничила движењето.

Инаку, како што беше најавено вчера, мали групи студенти кои ги блокираат факултетите и граѓани кои ги поддржуваат, накратко денеска блокираат одредени улици во Белград, но полицијата ги отстранува блокадите, и не дозволува поставување на нови.