Франција и Аргентина денес од 16:00 часот ќе играат за светска титула, а Пол Погба е само еден од фудбалерите на кој Французите не можеа да сметаат поради повреди на овој Мундијал.

Пред натпреварот во кој и двете репрезентации ќе се обидат да стигнат до својата трета светска титула, Погба порача дека ќе навива и испрати порака до своите соиграчи.

„Момци, второ финале по ред на СП. Ви испраќам огромна поддршка, а како што знаете финалето не се игра, туку се победува. Ви посакувам се најдобро, бидете храбри“, гласи пораката на фудбалерот на Јувентус.

Медиумите најавуваат и дека Погба денес може да биде на трибините во ВИП ложата, за разлика од Бензема кој ја одби поканата.