Давор Јелавиќ, познат како Дадо, почина утрово на 71-годишна возраст по долго и тешко боледување. Тој беше долгогодишен гитарист на еден од најпопуларните бендови на поранешна Југославија, „Сребрени крила“, уште од првиот состав.

„Дадо, кого го нарекувавме Жути, беше еден од најомилените членови, миленик на сите нас. Тој беше чудо од љубезност. Од сите луѓе што поминаа низ бендот, тој секогаш беше најпосебен, надвор од категоријата“, изјави Владо Калембер потврдувајќи дека неговиот колега починал во 9 часот утрово, пренесува „Б92“.

Давор свиреше со Владо Калембер уште од првиот состав на бендот „Сребрена крила“ во 1978 година. Нивниот медиумски пробив дополнително ги охрабри со појавувањето во емисијата на Саша Залепугин „Неделно попладне“, по што следеа до 200 концерти годишно. Тие беа препознатливи по нивната масовна продажба на плочи, рекордни концерти и хитови на сите времиња.

Оригиналниот состав на „Сребрена крила“ доминираше на домашната музичка сцена од 1978 до 1987 година, кога Владо стана соло пејач.

Триото Калембер-Јелавиќ-Пинтариќ се обедини во 2012 година со голем концерт за враќање на сцената во Бундек и најава на албумот „Сребрена крила 2012“, по што следеа серија концерти во Словенија, Хрватска и регионот; составот, исто така, промовираше албум со нови песни. Тие сè уште се многу активни во однос на дискографијата и концертите денес.