Суданските паравоени сили за брза поддршка (РСФ) повторно се согласија на 24-часовен прекин на огнот, што стапи на сила денеска во 18 часот по локално време (16 часот по Гринич), откако од саботата во земјата има неколкудневни крвави борби со армијата, јавија британските медиуми.

Sudan's paramilitary group says it has agreed to another 24-hour ceasefire — but will it hold? @LarryMadowo has the details: pic.twitter.com/UzdFJI5q1d

— Connect the World (@CNNConnect) April 19, 2023

„Ја потврдуваме нашата заложба за целосен прекин на огнот и се надеваме дека другата страна ќе почне да го почитува примирјето од посоченото време“, додаваат од РСФ.

Засега останува нејасно дали и суданската армија ќе се согласи да го почитува примирјето, бидејќи вчера и двете завојувани страни соопштија дека договориле 24-часовен прекин на огнот, но според британските медиуми, и натаму имаше жестоки борби по почетокот на примирјето.

Хаотичните сцени на борби со тенкови, митралези поставени на камиони, артилерија и воени авиони во густо населените области на главниот град се без преседан.

Despite of the US-brokered ceasefire in Sudan, the fighting has not stopped!#Sudan pic.twitter.com/RsOIsyuINz

— Ruchi tiwari (@Ruchi0495) April 19, 2023

Инаку шефот на хуманитарната операција на Европската унија (ЕУ) во Судан, Белгиецот Вим Франсен, кој исчезна во неделата вечер, вчера бил пронајден од неговите колеги од мисијата на ЕУ, но повреден, пишува „Њујорк Тајмс“.

Според весникот, неговите повреди се сериозни, но не се опасни по живот.

Белгиското Министерство за надворешни работи денеска потврди дека еден нивни државјанин е хоспитализиран, но не соопшти повеќе детали.

Судан има долга историја на граѓански судири, но голем дел од нив се случувале во оддалечените племенски области, далеку од Картум.

Директорот на СЗО, Тедрос Аданом Гебрејесус, вчера соопшти дека бројот на загинати се зголеми на 270.