„Параноичниот“ Шон Диди Комбс наводно не јаде во затвор од страв да не биде отруен.

„Њуз нејшн“ (NewsNation) известува дека Лери Левин, поранешен затвореник во Метрополитен притворен центар (MDC) во Бруклин, Њујорк – каде што Диди моментално е притворен, тврди дека има „извор“ многу запознаен со ситуацијата, пренесува „НМЕ“.

„Замислете некој со многу пари и причини да плати некому однатре да му ја отруе храната, да добие срцев удар и да умре“, рече Левин, тврдејќи дека тоа „можеби е една од причините што тој не јаде“.

„Тој е навистина, навистина параноичен. Тој е навистина исплашен. Не знае што да мисли, не знае кому да верува или во што да верува“, тврди Левин.

Раперот и музички магнат беше уапсен на Менхетен, Њујорк, по низата обвиненија за сексуално недолично однесување поднесени против него во текот на изминатата година. Тој потоа беше обвинет за заговор за рекетирање, сексуална трговија со сила, измама или принуда и транспорт за да се занимава со проституција, според правните документи минатиот вторник (17 септември).

Според „Дејли мејл“, Диди е сместен во истата единица со криптоизмамникот Сем Бенкмен-Фрид, кој беше прогласен за виновен за измама во 2023 година и осуден на 25 години затвор.

Подемот и падот на Шон Комбс: Одбиена кауцијата од 50 милиони долари, останува во притвор, а му се заканува доживотна робија

ВИДЕО | Познатите пријатели на Диди во паника: Масовно се шири видео на кое Ештон Качер зборува за секс-забавите на раперот