Џими Картер, 39. претседател на САД, беше почестен со државен погреб во Националната катедрала во Вашингтон.

Подоцна ќе му биде укажана втора служба и погреб во неговиот мал роден град во Џорџија, од каде Картер од фармер на кикирики излезе на светска сцена, објави Гласот на Америка.

Ковчегот на Картер беше ставен во погребна кола и замина од катедралата кон заедничката база Ендрјус, а потоа до Џорџија.

President-elect Trump arrives at the funeral of President Jimmy Carter, followed by former Presidents Obama, Bush and Clinton. pic.twitter.com/GTort2M4NT

— CSPAN (@cspan) January 9, 2025

Претседателот Џо Бајден го започна говорот со потсетување како започнал неговиот однос со Картер и неговата поддршка пред претседателската кампања во 1976 година.

Повторувајќи го „карактерот“ неколку пати како главна карактеристика на Картер, Бајден рече дека поранешниот претседател го научил на императивот дека „секој треба да биде третиран со достоинство и почит“.

Сите наследници на Картер во Белата куќа кои се живи, Бил Клинтон, Џорџ Буш, Барак Обама, Доналд Трамп и Џозеф Бајден – присуствуваа на комеморацијата со нивните сопруги.

Од Картер се збогуваа и американската потпретседателка Камала Харис и нејзиниот сопруг, новоизбраниот американски потпретседател Џеј Ди Венс, поранешниот американски потпретседател Мајк Пенс и канадскиот премиер во заминување Џастин Трудо.