Пратеникот од ВМРО-ДПМНЕ Бране Петрушевски обвини дека пожарите се подметнуваат намерно, а дека СДСМ се сити и се обидува да печали политички поени. Тој на денешната прес-конференција изјави дека на неколку локации каде што се локализирани пожари и во Скопско и низ државата се забележани гуми кои се фрлани со цел да се распламти и разгори пожарот.

На одредени места пронајдени се и ракавици, а пред два дена во Чучер Сандево и дрва потопени во бензин.

„Очигледно е дека како еден пожар се гаси, друг некаде веднаш се пали. Институциите на системот макотрпно работат и ги гасат и локализираат пожарите секој ден. Од друга страна некој во државата сака истата да ја пеплоса.

Според информациите кои ги имаме, а ги објавија и институциите, одредени лица се веќе под истрага, а едно лице е лишено и од слобода. И додека институциите се борат да ја заштитат секоја педа земја, СДС тера политика и се обидува да ќари некој политички поен“, обвини Петрушевски.