Откако во Бразил се потврди пресудата за силување на поранешниот фудбалер, Робњио, медиумите го посочуваат затворот во кој Бразилецот би можел да ја „одлежи“ казната.

Робињо е осуден на деветгодишна затворска казна за силување, дело кое се случило во Милано во 2013 година. Поранешниот фудбалер беше осуден во Италија, но избега во Бразил, а бидејќи помеѓу двете земји нема договор за екстрадиција, Италија побара Робињо да биде во затвор во Бразил.

Бразилецот е осуден по обвинувањата дека заедно со уште пет лица силувале 22-годишна девојка во гардеробер во ноќен клуб во Милано.

Во бразилските медиуми сега се појавија детали за затворот каде што ќе треба да биде сместен Робињо. Во Бразил овој затвор го нарекуваат „пеколот на земјата“. Затворот се наоѓа во сојузната држава Пернамбуко, бил планиран да собере 10.500 затвореници, но во овој момент во него казна служат дури 30.000 затвореници.

Казни во затворот служат повеќесериски силувачи, наркобосови, сериски убијци, па дури и канибали. Пред пет години австриска телевизија направи репотража во која е објавено дека таа година во затворот биле убиени 138 затвореници. Исто така чести се и случаите на силување на затвореници.

Бразилскиот суд ја потврди деветгодишната затворска казна на Робињо за силување