Koшаркарите на Оклахома имаат одличен почеток на сезоната и многумина токму нив ги гледаат како фаворити за титулата.

Изминатата вечер тие стигнаа до третата победа во исто толку натпревари од почетокот на сезоната. Откако претходно ги совладаа Денвер и Чикаго сега славеа над Атланта со 128:104.

Гостинската екипа доминираше во текот на првото полувреме и водеше со десет разлика, меѓутоа во третиот период следуваше серија на Оклахома од 13:0 со која ја преземаа контролата над резултатот.

Последната четвртина во целост им припадна на домаќините. Ја добија со 39:18 за на крајот и убедливо да слават.

Шеј-Гилџес Александар со 35 поени 11 скока и девет асистенции беше најрасположен, а солиден повторно беше и Холмгрен со 25 поени и девет скока. На спротивната страна Јанг го заврши натпреварот со 24 поени. Треба да се спомене и дека Атланта беше без Богдан Богдановиќ.

НБА РЕЗУЛТАТИ:

Голден Стејт – ЛА Клиперс 104-112

Оклахома – Атланта 128-104

Бруклин – Милвоки 115-102

Портланд – Њу Орлеанс 125-103

Индијана – Филаделфија 114-118