По повеќе од две децении, Реал Овиедо конечно се врати во елитата на шпанскиот фудбал. Во драматичен бараж-финалe за пласман во Ла Лига, Овиедо славеше над Мирандес со вкупни 3:2, исполнувајќи го сонот на своите навивачи.

Мирандес ја доби првата средба на домашен терен со 1:0, а на реваншот во Овиедо уште во 16. минута поведе со голот на Хоакин Паничели. Сепак, приказната не заврши таму.

Легендарниот Санти Казорла, на 39 години, ја превзеде одговорноста и од пенал во 39. минута израмни на 1:1. Само што почна второто полувреме, Илијас Чаира ја затресе мрежата за 2:1 , па со тој резултат се играа продолженија. Таму, во 103. минута, Франциско Портиљо го постигна златниот гол кој го врати Овиедо во Ла Лига по цели 24 години пауза.