Актуелниот унгарски премиер Виктор Орбан жестоко ја започна својата кампања пред клучните избори закажани за 3 април оваа година. За да и покаже на јавноста дека не е десничарски автократ, хомофоб, човек кој сака да ги уништи медиумите и судството, туку традиционален унгарски домаќин , учествуваше во колење свињи во дворот со пријателите и соседите.

Видеото наречено „Збогум прасе“ беше објавено на официјалната Фејсбук страница на Орбан, со што се одбележа учеството на Орбан во традиционалното колење на свињи во Унгарија.

По традиционалниот поздрав со домаќините и наздравувањето со ракија, „главниот мајстор“ Орбан почна да ја подготвува свињата за колење.

Како што пишуваат медиумите блиски на неговата партија Фидес, тој професионално ја отстранил косата од животното со плински бренер , по што заедно со месарите започнал процес на правење сланина.

По деталната симулација и презентација на колењето на свињите, унгарскиот премиер учествуваше и во одвојувањето на сланината, мелењето на месото пропратено со повремени чаши ракија, за да го олесни напорниот ден.

Домаќинот Орбан е целосно подготвен за парламентарните избори во април, на кои бара нова шанса за нов премиерски мандат, додека заедничкиот опозициски кандидат Петер Марки-Зај според анкетите, е со идентични шанси за побеа на изборите т. Според предизборните анкети, разликата меѓу двајцата кандидати моментално е на ниво на статистичка грешка, поради што не може да се процени кој има повеќе шанси да стане (или остане) премиер на Унгарија.

Анкетите се спроведени и пред колењето на свињите, па неизвесно е дали тоа ќе влијае на (не)популарноста на Виктор Орбан, како во Унгарија, така и во меѓународната заедница.