Фудбалската репрезентација на Македонија предводена од Драган Канатларовски попладнево забележа победа од 1:2 во пријателскиот натпревар против Полска.

Натпреварот се играше во Радом, а Македонија се прикажа во солидно издание и заслужено дојде до бодовите. Голот за водство на Македонија го постигна капитенот и член на унгарска Кишварда, Марио Илиевски пред крајот на првиот дел во 44. минута.

По само две минути игра во второто полувреме со погодокот на Лука Станковски Македонија дојде и до водство од 0:2. Домаќините до крајот на средбата успеаа само да го ублажат поразот преку Бориш.

За четири дена македонските млади фудбалери ќе одиграат уште еден пријателски натпревар и тоа против Босна и Херцеговина.