Фото: EPA-EFE/TIM KEETON

ВИДЕО | Ново разочарување: Челси поразен и од Вулверхемптон

Фудбалерите на Челси им приредија разочарување на навивачите на денот на католичкиот Божиќ откако денес со 2:1 беа поразени од Вулвс во рамките од 18. коло во Премиер лигата.

Маурисио Покетино никако не успева да ја разбуди екипата и да врзе неколку добри резултати. Откако во минатото коло го победија Шефилд сега се вратија на поразите, а овој неуспех за нив беше вкупно осми од почетокот на сезоната. Ако се погледнат вложените пари и амбициите на тимот „сините“ играат катастрофална сезона.

Можат да жалат навивачите за пропуштената прилика на Рахим Стерлинг во првото полувреме кога имаше можност и да додава бидејќи Челси беше во позиција „три на еден“ со голманот Хозе Са. Англискиот фудбалер беше себичен и не реализираше.

Казната стигна на почетокот на второто полувреме кога Марио Лемина по корнерот на Сарабија стрелаше за 1:0. Се обиде Челси да наметне своја игра, меѓутоа немаше многу успех. Во судиското продолжение кое беше долго дури 11 минути видовме два гола. Прво Доерти зголеми на 2:0 во 93-та минута за потоа Нкунку да ги постави конечните 2:1.

Со овој триумф Вулвс и се израмни на табелата со Челси со по 22 бода на 11-тата позиција.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот