На Божик падна дел од фасадата од новиот, се уште не отворен здравствен дом кај Чачак. Како што јавиja локалните медиуми, уривањето се случило вчера околу 16 часот на зграда која се уште е во изградба. За среќа, никој не е повреден.

Според видеото кое го објави организацијата „Граѓански активизам-борци за Чачак“, едниот дел од фасадата паднал на терасата, додека другиот дел завршил на земја пред Здравствениот дом во Љубиќ.

U Čačku je pala na novom Domu zdravlja u Ljubiću kompletna fasada sa nadstrešnice, odmah po dojavi gradjana sam se uputio tamo! pic.twitter.com/vs0vXfKQbA

— Dnevna doza Čačanina (@DnevnaDCacanina) January 7, 2025

Од местото на настанот зборуваше Павле Јелесијевиќ од Граѓанската група Пробудимо Чачак, кој укажа на лошо изведените работи и пропусти.

„Овде во Чачак фасадата паѓа благодарение на наместените тендери и грабежот на касата. Погледнете како изгледа се уште неотворениот здравствен дом во Љубиќ. Фала богу никој не е убиен, фала богу што уште не го отвориле здравствениот дом, бидејќи некој да бил таму ќе умрел“, вели Јелесијевиќ на видеото покажувајќи на парчињата од фасадата што се урна.